Sangganong Duwag


Sampung bote ng Red Horse ang tumumba
Maangas na ang iyong kara
Naghahanap ka na ng mababanatan
Lahat ng tao ay iyo nang kinakalaban
Naghahamon ng away
Sa mga kapitbahay
Sumobra na naman ang tapang ngayong gabi
Lahat nang kinikimkim ngayon nasasabi
Nanghiram ng tapang sa serbesa at gin
Bukas paggising mo duwag ka pa rin.

Ginebra naman ang tinira
Bilog at kuwadrado ang itsura
Gumagaling sa Siyensya at Algebra,
Arkitertura, Ingles, at Agrikultura
Tumatalino pag lasing
Alam lahat, sobrang galing
Pag pinuna napipikon
Nagmumura, nagiging maton
Lahat hahamunin, lalabanan
Paggising sa umaga, duwag ka na naman.

Pag di lasing di makatingin nang diretso
Sobrang bait, parang anghel ang gago
Pagsapit ng dilim ayan na naman
Nagiging demonyo, parang nasasapian
Alak pa more, di maiwasan ang bisyo
Magwawala na naman, wala nang sumeseryoso
Napapraning, bumubuhol ang utak
Nanghihiram ng tapang sa alak
Sangganong duwag ang iyong titulo
Di ka makalaban ng harapan sa mundo.

Comments

Post a Comment

Popular posts from this blog

Ang tula ni Pilosopong Tasyo sa mga Rizalistang baliw

Image
Nagbunyi si Sisa nang mapagtanto Mayroon pang isang Pilosopong Tasyo Ngunit ang makabagong mundo ay nasiphayo Sa lumutang na mga Rizalistang nagbabalatkayo. Ang Bagumbayan ay naluma at nagiba Sa kanilang drama, gimik at adhika Humuhupa ang iyakan sa melodramang palabas Habang kay Padre Damaso ay humihingi ng basbas. Ang buwan ay nalulunod sa lalim ng gabi Ang mga tala ay isa-isang nagsisitabi Umaapaw ang dugo, mula sa kalis ay nakakalos Habang ang magagaspang na kamay kay Sisa ay humahaplos. Humalakhak, nagdiriwang imbes na tumulong Ang mga tanikala sa kamay niya ang nagkukulong Minamalas lang ng mga Rizalistang baliw Habang ang mga demonyong hari ay naaaliw. Ilan pang semilya, ilan pang halik, kagat at laway? Mula sa Leon, Agila, Hapon at mga kaibigang kaaway Ang dadantay sa kanyang katawan, sa kanyang kaluluwa Natutuyo na kahit pa tayo mga isla, ang ating perlas sa aplaya. Sagana man tayo sa tubig ngunit hindi sa pag-ibig Sinisimot ang kalikasan, nasasaid, s
Read more

Mga Kuwentong Tindero ni Maestro Pedro Series#1 Doon Sa May Riles

Image
“Ano na ba ang nangyayari sa bansa natin?” sabi ni Manong Construction Worker habang bumibili ng dalawang Fortune Lights at Ice Tubig sa tindahan namin sa may kanto na malapit sa eskuwelahan at construction site at habang nakikinood na rin sa balita sa TV Patrol tungkol sa dalawang presidentiables na gustong magsampalan at magpataasan ng ihi para lamang makakuha ng boto sa mga itinuturing nilang mga bobong botante.  Kasunod noon ay balita naman tungkol sa isang disqualification case ng isang babaeng kandidato rin sa pagka-presidente na kinikuwestiyon ang pagka-mamamayang Pilipino at ang pananatili niya nang kulang sa sampung taon sa ating bansa para maging kuwalipikado sa pagtakbo sa pinakamataas na posisyon sa bansa.  Ngiti ang aking sinukli sa kanyang tanong at sakto lang naman ang kanyang bayad. Napapailing siyang umuwi at sumakay ng dyip sa tapat ng tindahan. Para sa akin, ituloy mo lang manong ang iyong buhay, pakainin mo mula sa iyong pawis at pagod ang pamilya mo, mag
Read more

My life is like a rainbow

Image
Life sometimes red Life sometimes yellow Life sometimes blue When it's full of sorrow. Life sometimes grey Life sometimes black When it's so pale And seems no luck. Life sometimes white When you are happy Rolls your day blissfully most likely. But mine is colourful And it's shimmering too Like rainbow in the sky When I am with you.
Read more